Macbook berria
October 20th, 2008
Macbook berria Macbook Pro berriaren hantza haundia du. 13.3 hatzbeteko pantaila da Macbook Pro batetik ezberdintzen duen ezaugarri nabarmenena, beste guztia ia ia berdina bait da.
Aurreko Macbook-ak zuen plastikozko karkasa orain aluminiozkoa da, profesionalentzako eramangarriak erabiltzen duten material berdina erabiliz. Honek eramangarria sendoagoa eta arinagoa egiten du, eta itxura aldetik berriz oso ederra.
Horrez gain trackpad-a ere berritu dute, eta orain multitouch teknologia dauka, eta zuen botoi bakarra kendu diote, trackpad-a orain botoi bezela ere funtzionatzen duelako.
Kanpotik beraz ia ia berdina da, baina barrutik ezberdintasun txiki batzuk ditu, adibidez txartel grafikoa. Aurreko ereduak txartel grafiko “txar” bat zuen, eta oraingoak berriz txartel grafiko askoz hobeago bat dauka, Nvidia 9400M-a hain zuzen, horregaitik orain ez dugu Macbook Pro batean pentsatu behar grafiko aldetik potentzia pixka bat behar dugunean.
Pantaila LED teknologia erabiltzen du eta koloreak askoz hobeagoak izateaz gain, askarrago pizten da, eta bateria beranduago agortzen du. Hori dela eta, bateria 5 ordura iritzi daitekeela azaldu dute.
Macbook Pro-aren antzera honek ere “Mini Display Port” konexioa dauka kanpoko pantailetara konektatzeko, eta lehen aldiz Macbook batean, teklatu argiztatua ere aukeratu daiteke.
2 modelu daude salgai, lehena eta bigarrenaren ezberdintasunak aipatutako teklatu argiztatua, prozesagailu azkarrago bat, eta edukiera gehiagoko disko gogorra dira, eta hasierako prezioa (lehen modeluarentzako) 1149 € dira.
Hala ere, aurreko Macbook-a (plastikozko karkasa duena alegia) saltzen jarraituko dute 899 €-tan, eredu berria guztoko ez baduzu.
Orainarte Macbook-a Apple-ek saldu duen ordenagailurik salduena izan bada, hemendik aurrera ere salduena izaten jarraituko da, oso eramangarri ona eta ederra egin bait dute, eta prezio ezin hobean.
Loading ...
